Mayın 31-də Azərbaycan Təhsil İşçiləri Azad Həmkarlar İttifaqı Respublika Komitəsinin (ATİAHİ RK) XVIII hesabat-seçki konfransı keçirilib.Konfransdan öncə ATİAHİ RK-nın sədri, Milli Məclisin deputatı Səttar Möhbalıyev və konfransın nümayəndələri Fəxri xiyabanda Ulu Öndər Heydər Əliyevin xatirəsini dərin ehtiramla yad edib, məzarı önünə əklil və gül dəstələri qoyublar. Görkəmli oftalmoloq-alim, akademik Zərifə xanım Əliyevanın da xatirəsi yad olunub, məzarı üzərinə tər çiçəklər düzülüb. Görkəmli dövlət xadimi Əziz Əliyevin və tanınmış həkim-alim Tamerlan Əliyevin məzarları üzərinə də gül dəstələri qoyulub.Şəhidlər xiyabanı da konfrans iştirakçıları tərəfindən ziyarət edilib, şəhid məzarlarına gül dəstələri düzülüb.Sonra Azərbaycan Həmkarlar İttifaqları Konfederasiyasının (AHİK) binasında ATİAHİ RK-nın konfransı başlayıb.ATİAHİ RK-nın və AHİK-in sədri, Beynəlxalq Həmkarlar İttifaqları Konfederasiyasının, Pan Avropa Regional Şurasının, Ümumhəmkarlar İttifaqları Konfederasiyasının və Türk Dövlətləri Həmkarlar İttifaqları Təşkilatının vitse-prezidenti, Milli Məclisin deputatı Səttar Möhbalıyev iştirakçıları salamlayıb və konfransı açıq elan edib.Ardınca Dövlət Himni səsləndirilib, Ulu Öndər Heydər Əliyevin, şəhidlərimizin və dünyadan köçən ittifaq üzvlərinin əziz xatirəsi bir dəqiqəlik sükutla yad olunub.Reqlamentə uyğun olaraq, konfransın Rəyasət heyəti, Redaksiya, Mandat və Hesablayıcı komissiyaların tərkibi və Katibliyin üzvləri seçilib, gündəlik təsdiqlənib.Gündəliyə ATİAHİ RK-nın 2017-2024-cü illər üçün gördüyü işlərin hesabatı, Təftiş komissiyasının hesabatı, Məclisin yeni tərkibinin seçilməsi, Təftiş komissiyasının yeni tərkibinin seçilməsi, Azərbaycan Prezidentinə Müraciətin qəbul edilməsi və təşkilati məsələ (Məclis üzvləri, ATİAHİ RK sədri və sədrin müavinlərinin seçilməsi) barədə məsələlər daxil edilib.ATİAHİ RK-nın 2017-2024-cü illər üçün gördüyü işlərin hesabatı bağlı ATİAHİ RK-nın sədri Səttar Möhbalıyev çıxışı dinlənilib. O, əvvəlcə Azərbaycan həmkarlar ittifaqının güclü təşkilata çevrilməsində Ulu Öndər Heydər Əliyevin rolundan və göstərdiyi dövlət dəstəyindən, Prezident İlham Əliyevin rəhbərliyi ilə ölkəmizin hərtərəfli inkişaf göstəricilərindən, misilsiz qələbələrlə ölkəmizin ərazi bütövlüyünün təmin olunmasından, Böyük Qayıdış proqramından, eləcə də son illərdə təhsil sahəsində qazanılmış nailiyyətlərdən danışıb.ATİAHİ RK-nın fəaliyyəti ilə bağlı sədr bildirib ki, qurum öz funksiya və vəzifələrini layiqincə yerinə yetirmək üçün səylə çalışır: ”Hesabat dövründə Məclisin 9, Rəyasət heyətinin 53 iclası keçirilib. Müzakirəyə çıxarılmış məsələlər əsasən ittifaq üzvlərinin əmək, sosial, iqtisadi hüquqlarının və qanuni mənafelərinin müdafiəsi, təhlükəsiz iş şəraiti, istirahəti və müalicəsi ilə bağlı olub. İttifaqı üzvlərinin sayında əhəmiyyətli artım müşahidə edilib. Həmkarlar ittifaqları strukturu, üzvlük və qeydiyyat məsələləri təkmilləşdirilib. Ötən dövrdə şəhər, rayon və rayon hüquqlu təşkilatlara ittifaq üzvlərindən 440 932 müraciət daxil olub, bütün müraciətlər diqqətlə araşdırılıb, onlara lazımi köməklik göstərilib. Bu müraciətlərdən 6143-ü əmək hüquqlarının müdafiəsi, 5716-sı həmkarlar ittifaqı orqanlarının işi, 83617-si sosial-iqtisadi məsələlər, 345456-sı isə maddi yardımların verilməsi ilə bağlı olub. Daxil olmuş müraciətlərin 419625-i müsbət həll edilib. Bu dövrdə bütövlükdə AHİK-in və həmkarlar ittifaqı büdcəsi hesabına 31 min 942 ədəd yollayış alınıb və 55 min 126 nəfər ittifaq üzvü və onların ailə üzvlərinin istirahəti və müalicəsi təmin edilib”.Səttar Möhbalıyev Respublika Komitəsi tərəfindən hesabat dövründə yeni Kollektiv Saziş layihəsinin hazırlandığını, Elm və Təhsil Nazirliyinin müvafiq komissiyası ilə birlikdə müzakirə aparıldığını və 2017-2019, 2019-2021, 2021-2023 və 2023-2025-ci illər üzrə kollektiv sazişlərin imzalandığını deyib: “ATİAHİ RK-nın xidmətinə aid olan üzv təşkilatlar da kollektiv müqavilələr bağlayıb. Son yeddi ildə yüzlərlə ittifaq üzvü öz əvvəlki işinə bərpa edilib. COVID 19 pandemiyası ilə əlaqədar Respublika Komitəsi və üzv təşkilatlar tərəfindən karonavirusa yoluxmuş 64 139 ittifaq üzvünə maddi yardım göstərilib, 45 443 ailəyə isə ərzaq yardımı verilib. Bundan başqa, xeyli sayda qoruyucu vasitələr alınaraq həmkarlar ittifaqı üzvlərinə paylanılıb. Parlaq Qələbəmizlə başa çatan Vətən müharibəsində 760 nəfər təhsil işçisi döyüşlərə qatıldı. Onlardan 21 nəfəri şəhid oldu. ATİAHİ RK-nın maliyyə vəsaiti və tərtibatı ilə “Qəhrəman təhsil işçiləri” adlı kitab çap olunaraq şəhid ittifaq üzvlərimizin xatirəsi əbədiləşdirildi. Üzv təşkilatlar tərəfindən 15800 nəfərdən artıq müharibə iştirakçısı olan ittifaq üzvlərinə və şəhid ailələrinə maddi yardım və ərzaq bağlamaları verilib. Bununla yanaşı, şəhid ailələrinə, qazi və veteranlara 987 ədəd 1634 nəfərlik sanatoriya və istirahət yerlərinə yollayış verilib. Həmçinin Respublika Komitəsi 32 şəhid ailəsini himayəyə götürüb”.Çıxışın ardından hesabat ətrafında müzakirələr aparılıb, qurumun fəaliyyəti qənaətbəxş hesab olunaraq səsçoxluğu ilə təsdiqlənib. Eləcə də Təftiş komissiyasının hesabat məruzəsi dinlənilib və səsə qoyulub.Konfransda həmçinin Məclisin və Təftiş komissiyasının yeni tərkibi seçilib.Gündəlikdəki ATİAHİ RK sədrinin və müavinlərin seçilməsi məsələsinə də baxılıb. Bildirilib ki, üzv təşkilatlarda keçirilən yığıncaq və konfranslarda Səttar Suliddin oğlu Möhbalıyevin sədr vəzifəsinə namizədliyi irəli sürülüb və bugünkü konfransın müzakirəsinə verilməsi barədə qərarlar qəbul olunub. Bu qərar konfrans iştirakçıları tərəfindən də dəstəklənib və Beynəlxalq Həmkarlar İttifaqları Konfederasiyasının, Pan Avropa Regional Şurasının, Ümumhəmkarlar İttifaqları Konfederasiyasının və Türk Dövlətləri Həmkarlar İttifaqları Təşkilatının vitse-prezidenti, AHİK sədri, Milli Məclisin deputatı Səttar Suliddin oğlu Möhbalıyev açıq səsvermə yolu ilə yenidən ATİAHİ RK-nın sədri seçilib.Səttar Möhbalıyev ona etimad göstərən konfrans iştirakçılarına təşəkkür edib, bundan sonra da rəhbərlik etdiyi qurumun səmərəli fəaliyyəti, təhsil işçilərinin əmək hüquqlarının qorunması, onlar üçün normalara uyğun iş şəraitinin yaradılması, istirahətlərinin təşkili və sağlamlıqlarının qorunması istiqamətində daha səylə çalışacağını vurğulayıb.Eyni zamanda Hümbət Nağıyev sədrin birinci müavini, Mirzə Cəfərzadə isə müavin seçilib.Sonda konfrans iştrirakçıları adından Azərbaycan Respublikasının Prezidenti cənab İlham Əliyevə müraciət ünvanlanıb.2-6.jpg 232.84 KB1-7.jpg 142.98 KB4-7 (1).jpg 177.92 KB3-7.jpg 256.99 KB5-3.jpg 209.68 KB6-3.jpg 179.51 KB11-1.jpg 82.23 KB9-2.jpg 65 KB7-3 (1).jpg 82.13 KBE21A8969.JPG 1.97 MBE21A8981.JPG 2.34 MBE21A8988.JPG 2.36 MBE21A8990.JPG 2.21 MBE21A8991.JPG 2.1 MBE21A8993.JPG 2.31 MB8-5.jpg 205.41 KBE21A9022.JPG 4.54 MB

31.05.2024

ATİAHİ Ağcabədi rayon komitəsinin təşkilatçılığı ilə bir qrup ittifaq üzvü Şuşa şəhərinə səfər ediblər.Səfər çərçivəsində iştirakçılar Şuşanın mərkəzi meydanında Azərbaycan mədəniyyətinin tanınmış simaları - Natəvan, Bülbül və Üzeyir Hacıbəylinin güllələnmiş heykəllərinə, ermənilər tərəfindən 30 ilə yaxın müddət ərzində vəhşicəsinə dağıdılmış digər mədəniyyət abidələrinə, inzibati və yaşayış binalarına baxıblar. Şəhəri gəzintisi zamanı onlar həmçinin aparılan abadlıq-quruculuq işləri ilə də tanış olublar.Sonra şəhərin qala divarları ziyarət edilib. Cıdır düzünə gələn ittifaq üzvləri buradan açılan əsrarəngiz mənzərəni seyr edib fotolar çəkdiriblər. Qonaqlar İsa bulağına və işğal dövründə əsir götürülmüş azərbaycanlıların saxlanıldığı və ağır işgəncələr şahidlik etmiş Şuşa türməsinə də baş çəkiblər.Səfər iştirakçıları Şuşanı işğaldan azad edən Ali Baş Komandan cənab İlham Əliyevə və Ordumuzun hərbçilərinə minnətdarlıqlarını ifadə ediblər. Həmçinin şəhidlərimizin əziz xatirəsi ehtiramla yad olunub, ruhlarına dualar oxunub.c202378c-c27c-4266-99ae-6ed14d2153b9.jpg 581.54 KB18fb34d7-7c67-43c5-9bb0-2e9d5b2aa6e7.jpg 208.2 KB5d26a582-d949-44c3-86b1-7499f58b2422.jpg 256.72 KB2cef3d6f-f28c-471c-afbf-f7870d9d7522.jpg 516.01 KB0d01c798-4c18-47ec-b014-d7bc086d6b4f.jpg 241.89 KB

22.05.2024

Ulu Öndər Heydər Əliyevin anadan olmasının 101-ci ildönümü münasibətilə ümumi təhsil müəssisələrinin IX-XI sinif şagirdləri arasında “Ən yaxşı təqdimat” müsabiqəsi keçirilib.Müsabiqə Heydər Əliyev Fondu, Yeni Azərbaycan Partiyası, Elm və Təhsil Nazirliyi, Azərbaycan Təhsil İşçiləri Azad Həmkarlar İttifaqı (ATİAHİ) Respublika Komitəsinin təşkilatçılığı ilə baş tutub.Mayın 15-də müsabiqə qaliblərinin mükafatlandırılması mərasimi olub. Tədbirdə Baş nazirin müavini Əli Əhmədov, elm və təhsil naziri Emin Əmrullayev, mədəniyyət naziri Adil Kərimli, gənclər və idman naziri Fərid Qayıbov, Azərbaycan Respublikasının Dövlət Statistika Komitəsinin sədri, YAP-ın sədr müavini Tahir Budaqov, ATİAHİ Respublika Komitəsinin sədr müavini Mirzə Cəfərzadə millət vəkilləri, ali təhsil müəssisələrinin rəhbərləri və digər qonaqlar iştirak ediblər.“Ən yaxşı təqdimat” müsabiqəsinin nəticələri əsasında 7 nəfər I, 11 nəfər II, 16 nəfər III dərəcəli diplomla təltif olunub və onlara hədiyyələr təqdim edilib.

17.05.2024

ATİAHİ Ağcəbədi rayon komitəsində 28 Aprel - Ümumdünya Əməyin Mühafizəsi Gününə həsr olunan “Sağlam və təhlükəsiz əmək şəraitinin yaradılması üzrə ilin ən yaxşı müəssisəsi (təşkilatı)” respublika müsabiqəsinin qaliblərinin mükafatlandırılması mərasimi keçirilib.Komitə tərəfindən qaliblərə fəxri fərmanlar təqdim olunub.Bildirilib ki, qalib müəssisələr kollektiv müqavilənin şərtlərinə məsuliyyətlə yanaşıb, işçilər üçün sağlam və təhlükəsiz əmək şəraiti yaradıblar.Qalib müəssisələrin rəhbərləri onların işinə verilən yüksək qiymətə görə, həmkarlar ittifaqlarına təşəkkür edib və bundan sonra da işçilərin əmək hüquqlarına hörmətlə yanaşacaqlarını, onların normal şəraitdə çalışmaları üçün bütün zəruri şərati yaradacaqlarını qeyd ediblər.f06ad0c0-f232-4252-ae98-9dcc93c876e6.jpg 273.77 KBc70a9270-7a33-4f2c-b067-2620c9f5f8b0.jpg 287.87 KB4222aa9e-90a9-4042-b0ec-38cdf6680818.jpg 78.62 KB

08.05.2024

Aprelin 1-də Azərbaycan Təhsil İşçiləri Azad Həmkarlar İttifaqı Respublika Komitəsi (ATİAHİ RK) Rəyasət Heyətinin geniş tərkibdə iclası keçirilib.ATİAHİ RK-nın sədri, Milli Məclisin deputatı Səttar Möhbalıyev iclasın gündəliyi ilə Rəyasət heyəti üzvlərini tanış edib.“ATİAHİ RK-nın 2023-cü ilə dair ümumi illik statistik hesabatı barədə”, “İlk həmkarlar ittifaqı təşkilatlarında hesabat-seçki yığıncaqlarının yekunları və irəli sürülən təkliflər barədə”, “2023-cü ildə ATİAHİ RK-da və üzv təşkilatlarda vətəndaşların qəbulu, ərizə və şikayətlərinə baxılmasının vəziyyəti barədə”, “ATİAHİ-nin üzv təşkilatlarında AHİK-in 25.11.2009-cu il 6b 32 saylı tarixli qərarı ilə keçirilən “Sağlam və təhlükəsiz əmək şəraitinin yaradılması üzrə ilin ən yaxşı müəssisəsi (təşkilatı)” müsabiqəsinin yekunları barədə”, “2023-cü ilin yekunlarına görə ATİAHİ Respublika Komitəsinin büdcəsinin yerinə yetirilməsi barədə”, “2023-cü ildə həmkarlar ittifaqı üzvlərinin müalicə və istirahətinin təşkili ilə bağlı görülmüş işlər barədə” məsələlər öz əksini tapıb.İclasda gündəlikdə duran məsələlər ətrafında müzakirələr aparılıb, müvafiq qərarlar qəbul olunub.Sonda RK-nın sədri Səttar Möhbalıyev gələcək fəaliyyətlə bağlı rayon, şəhər və rayon hüquqlu həmkarlar ittifaqı komitələrinin sədrlərinə bir sıra tapşırıq və tövsiyələrini çatdırıb.3 (3).jpg 250.46 KB2 (4).jpg 80.32 KB7 (2).jpg 104.11 KB

01.04.2024

 Ağcabədi rayonunun Salmanbəyli kənd Əlfi Məmmədov adına tam orta məktəbində Novruz şənliyi keçirilib.Tədbirdə iştirak edən ATİAHİ Ağcabədi rayon komitəsinin sədri Arzu Niftalıyeva məktəbin rəhbərliyini və kollektivini bayram münasibətilə təbrik edib və bildirib ki, Novruz əsrlərin qaynaqlarından süzülüb gələn, yaddaşlarda kök salan qədim bir el bayramıdır. Tarixən bu bayram xalqımız tərəfindən böyük təmtaraqla qeyd olunub. Bu gün də Novruz xalqımızın ən əziz bayramıdır və xoşbəxtik ki, bayram tonqalını işğaldan azad edilmiş ərazilərimizdə də keçiririk.Tədbirdə digər çıxışlar da dinlənilib, təbriklər səslənib. Həmçinin tədbir bayram şənliyi ilə davam edib. Sonda məktəbin bir neçə qabaqcıl müəllimi rayon komitəsi tərəfindən mükafatlandırılıb.Bundan başqa, komitənin sədri Arzu Niftalıyeva, məktəbin rəhbərliyi və ittifaq üzvləri Salmanbəyli kəndində torpaqlarımızın işğaldan azad edilməsi uğrunda şəhid olmuş Samir Mikayıllının ailəsi ilə görüşüblər.Görüşdə şəhidimizin keçdiyi döyüş yolundan, qəhrəmanlığından danışılıb. Müəllimlər isə şəhidin məktəb illərindən söz açıb, onunla bağlı xatirələrini bölüşüblər. Şəhidin ailəsinə bayram sovqatları verilib. Göstərilən diqqət və qayğıya görə, Samirin ailəsi gələn qonaqlara təşəkkür ediblər.242d4a9a-8bce-4a8e-bb3a-8eb459ddc8d9.jpg 221.37 KB82ade051-2d27-42f9-97d9-98aa812c96c7.jpg 316.07 KB4b8ac6f4-3eee-4b52-bc89-19d51d984b58.jpg 260.04 KB04a54148-a9a7-40ab-81cc-8eb49a9c82f5.jpg 95.52 KB0e0af188-24d7-4997-ada8-0eada3f7f54e.jpg 221.63 KB

27.03.2024

2023/2024-cü tədris ilinin qış imtahan sessiyasının nəticələrinə görə ali məktəb tələbələrinə Azərbaycan Təhsil İşçiləri Azad Həmkarlar İttifaqı Respublika Komitəsinin (ATİAHİ RK) adlı təqaüdünün verilməsi və “Nə? Harada? Nə zaman?” intellektual oyunun qalibi olmuş tələbələrin mükafatlandırılması mərasimi keçirilib. Tədbirdə ali məktəblərin tələbə həmkarlar ittifaqlarının sədrləri və tələbələr iştirak ediblər.Azərbaycan Həmkarlar İttifaqları Konfederasiyasının (AHİK) sədri, Milli Məclisin deputatı Səttar Möhbalıyev tədbirdə çıxışında bildirib ki, ATİAHİ RK-nın adlı təqaüdü 1995-ci ildə təsis edilib: “İndiyə kimi, 2914 tələbə bu təqaüddən yararlanıb. Bu gün isə daha 65 tələbəyə bu təqaüd təqdim ediləcək. Təqaüdün verilməsində məqsəd tələbələrdə elmə, təhsilə marağın artırılması və Azərbaycanda həyata keçirilən uğurlu gənclər siyasətinə dəstək verməkdir. Respublika Komitəsinin fəaliyyətinin əsas istiqamətini gənclər təşkil edir. Hər il onların sosial vəziyyətinin yaxşılaşdırılması, tələbələr arasında idmanın inkişaf etdirilməsi, istedadlı gənclərin aşkara çıxarılması, onların elmə, təhsilə marağının artırılması, milli-mənəvi dəyərlərə hörmət ruhunda tərbiyə edilməsi ilə bağlı mühüm tədbirlər həyata keçirilir. Bizim bu işləri görməkdə məqsədimiz gənclərin asudə vaxtını səmərəli keçirmək, zərərli vərdişlərdən uzaqlaşdırmaq, dövlətimizin gənclər siyasətinə dəstək olmaqdır”.Onun sözlərinə görə, Azərbaycanda gənclərin sağlam ruhda böyüməsi və layiqli vətəndaş kimi yetişməsi üçün ardıcıl və sistemli tədbirlər həyata keçirilir: “Möhtərəm Prezidentimiz gənclərimizin hərtərəfli inkişafı üçün bütün imkanlardan istifadə edir. Son 20 ildə gənclərlə bağlı atılan addımlar da bunun əyani sübutudur. İnanırıq ki, Azərbaycanın gənclər siyasəti bundan sonra da uğurla davam etdiriləcək, gənclərimiz Prezidentimizin ətrafında sıx birləşərək ölkəmizin inkişafına öz layiqli töhfələrini verəcəklər”.Sonda 65 tələbəyə ATİAHİ RK-nın adlı təqaüdü, intellektual oyunun 18 qalibinə isə diplom və pul mükafatı verilib.E21A7596.jpg 152.91 KBE21A7587.jpg 155.13 KBE21A7567.jpg 151.45 KBE21A7548.jpg 197.19 KBE21A7545.jpg 167.95 KB

15.03.2024

ATİAHİ Ağcabədi rayon komitəsi üzvlərinin sosial və əmək münasibətlərinin qorunması, işçilərin qanuni mənafelərinin müsdafiəsi istiqamətində fəal iş aparır.İl boyu müharibə iştirakçıları, şəhid ailələri və onların övladları ilə görüşlər təşkil edilib, təhsil müəssisələrində çalışan müharibə iştirakçıları və şəhid ailə üzvlərinin hər birinə həssaslıqla yanaşılıb.  Tədris müəssisələrində işçilərin işə qəbulu edilməsi, onlarla əmək müqaviləsinin  bağlanması və xitam verilməsi işlərinə nəzarət təşkil edilib. Respublika Komitəsinin təşkil etdiyi “İlin peşəkar gənci”, ”Sağlam və təhlütəsiz əmək şəraiti” adlı baxış müsabiqələrində Ağcabədi rayon komitəsinin üzvləri də qalib olmuşlar. Bunlardan Hacıbədəli kənd tam orta məktəbi, Taleh Əliyev adına Xocəvənd kənd tam orta məktəbi və İbrahimov adına şəhər 8 saylı tam orta məktəbi qeyd edə bilərik. Xatırladaq ki, Hindarx qəsəbə 1 №-li tam orta məktəbin informatika müəllimi Dəyanət Fərzəliyev “İlin peşəkar gənci” adlı baxış müsabiqəsinin ilk qaliblərindən  biri olub. Şəhər 1 №-li tam orta məktəbin fiziki tərbiyə müəllimi, II Qarabağ müharibəsinin iştirakçısı Elgün Həsənov da müsabiqədən qalib olaraq ayrılıb.Rayon komitəsi tərəfindən Ümummilli Lider Heydər Əliyevin anadan olmasının 100 illiyi münasibətilə silsilə tədbirlər təşkil edilib. İttifaq üzvüləri ilə görüşlər, müəllimlər arasında şahmat yarışları keçirilib. Respublikanın idman yarışlarında uğur qazanmış rayonun şahmat və idman məktəblərinin yetirmələrinin Ağ göl milli parkına gəzintisi təşkil olunub.Yüksək mənəvi-əxlaqi keyfiyyətləri, akademik bacarığı, tədris təcrübəsi və peşəkarlıq səviyyəsi ilə fərqlənən müəllimlər, daim hörmətlə xatırlanır. Təqaüddə olan müəllimlərlə  görüşlər təşkil edilir. Məktəblərdə vətənpərvərlik  ruhunun təbliği istiqamətində görüşlərin təşkili il boyu davam etdirilib. Qarabağ müharibəsinin iştirakçısı, göstərdiyi qəhrəmanlığa görə ön cəbhədə Ulu Öndər Heydər Əliyev tərəfində yüksək hərbi rütbəyə layiq görümlüş Şənlik kənd tam orta məktəbin direktoru Tahir Məmmədov və onun silahdaşları, eləcə də Azərbaycanın Milli Qəhrəmanı İbad Hüseynovla məktəb kollektivinin görüşü baş tutub. AHİK-in yaranmasının 30 illik yubileyi ilə əlaqədar rayon komitəsinin təşəbüsü ilə həmkarlar ittifaqlarında uzun müddət səmərəli fəaliyyətlərinə görə şəhər 11 №-li məktəbin, Qaravəlli kənd tam orta məktəbin, Hindarx qəsəbə 3 №-li ümum orta məktəbin ilk həmkarlar ittifaqı sədrlərinə, həmçinin 3 №-li məktəb-liseyin 140 illik yubleyi  münasibətilə  3 müəllimə Respublika Komitəsinin döş nişanı və fəxri fərmanı verilib.Mədəni-kütləvi  tədbirlərin təşkili,  içtimai işlərdə fəallığı və pedaqoji nailiyyətlərinə  görə ittifaq üzvləri ilə görüşlər olub.Qeyd edək ki, Ağcabədi rayon komitəsi bundan sonra da ittifaq üzvlərinin əmək hüquqlarının qorunması istiqamətində səylə çalışacaq, öz funksiya və vəzifələrinə ləyaqətlə və məsuliyyətlə yanaşacaq. 99e8b369-79b1-4dab-ac97-80d9fccc911d.jpg 126.57 KBad405f13-44a7-4f8c-a800-6843a19d3ee7.jpg 131.01 KBd540233b-696c-42db-9b59-00530794a675.jpg 149.47 KBf5e05fd8-b219-4b4d-b5aa-ffb5dc50d44a.jpg 150.57 KB9cfb63b3-d5ac-4b6b-9f94-26256dba2388.jpg 168.14 KB8a3b097c-df33-49eb-9950-06d2fc91ec64.jpg 190.24 KB6e70dd5f-dcdf-4884-9f81-16009cedd828.jpg 185.34 KB3ffeef50-f9d5-4b6c-aabe-ef72a40d3ea0.jpg 157.04 KB

26.02.2024

ATİAHİ Ağcabədi rayon komitəsinə aid ilk həmkarlar ittifaqlarında hesabat-seçki yığıncaqları davam edir. Yığıncaqlarda gender bərabərliyi qorunur, gənc, bacarıqlı və fəal ittifaq üzvləri daha çox səs toplayaraq ittifaq sədri seçilir.Belə ki, Ağcabədi şəhər 9 №-li məktəbdə Rüxsarə Xəlilova və Hindarx qəsəbə 1 №-li tam orta məktəbdə Lalə Allahverdiyeva səsvermə yolu ilə ittifaq sədri olublar.Hər iki hesabat-seçki yığıncağında ittifaq üzvüləri yeni sədrlərə fəaliyyətlərində uğurlar arzulayıblarİttifaq üzvləri həmçinin bu il fevralın 7-də keçiriləcək növbədənkənar prezident seçkilərində aktiv iştirak edəcəklərini, etibarlı, sınanmış, dövlətimizin həyatında böyük xidmətləri olan, xalqımızı müzəfər etmiş, hər zaman həmkarlar ittifaqlarına dəstək verən namizədə səs verəcəkləri qətiyyətlə ifadə ediblər.effb489a-c04c-46cf-a7c2-d0857ad58da9.jpg 169.28 KBda1a33d3-f137-4bca-a073-7bca80c38844.jpg 226.33 KB5d9d08f3-05d4-468d-b63a-d8600d31ce30.jpg 204.82 KB1c53a88b-bbd3-472e-9b23-9912b3b22c59.jpg 180.68 KB

31.01.2024

Azərbaycan Təhsil İşçiləri Azad Həmkarlar İttifaqı Respublika Komitəsi (ATİAHİ RK) tərəfindən “Heydər Əliyev İli” çərçivəsində təşkil olunmuş idman yarışlarının qaliblərinin mükafatlandırılması mərasimi keçirilib.Mərasimdə ali təhsil müəssisələri arasında 6 idman növü üzrə Spartakiadanın, Bakı şəhərinin ümumtəhsil müəssisələrinin işçiləri arasında 5 idman növü üzrə yarışların, ali məktəb tələbələri arasında 8 idman növü üzrə XV Respublika Universiadasının və orta ixtisas təhsili müəssisələrinin 3 idman növü üzrə yarışların qalibləri iştirak ediblər.Öncə Azərbaycan dövlətinin qurucusu və banisi Ulu Öndər Heydər Əliyevin və şəhidlərimizin əziz xatirəsi bir dəqiqəlik sükutla yad edilib.Tədbirdə çıxış edən Azərbaycan Həmkarlar İttifaqları Konfederasiyasının (AHİK) sədri, Milli Məclisin deputatı Səttar Möhbalıyev bildirib ki, idman yarışlarını təşkil etməkdə məqsəd Ümummilli Lider Heydər Əliyevin əziz xatirəsinə hörmət və ehtiram göstərmək, xalqımızın milli sərvəti olan Ulu Öndərin zəngin və çoxşaxəli irsini örənmək və təbliğ etməkdir: “Bu tədbirlər həm ümumtəhsil məktəblərinin müəllimləri, həm də ali məktəblərin işçi və tələbələri tərəfindən böyük həvəslə qarşılanıb. Bu idman tədbirlərində mindən çox müəllim və yüzlərlə tələbə çıxış edib. Azərbaycanda idman sahəsində əldə olunan uğurların bünövrəsində əsası Ulu Öndər tərəfindən qoyulmuş idman siyasəti dayanır. Hələ Heydər Əliyevin Respublikaya rəhbərlik etdiyi 1969-1982-ci illərdə Azərbaycanda bütün sahələrin, o cümlədən  idmanın gələcək inkişaf perspektivləri ciddi nəzərə alınmışdı. Bu illərdə ölkədə bir çox idman kompleksləri, qurğuları, zalları tikilmiş, idman meydançaları salınmış, böyük idman-sağlamlıq mərkəzləri yaradılmışdı. Ölkədə idmanın maddi-texniki bazasının yaradılması üçün çox işlər görülmüş, 1974-cü ildə Bakıdan başqa, Azərbaycanın 36 rayonunda 59 uşaq- gənclər idman məktəbi fəaliyyət göstərirdi. Ümummilli Lider Heydər Əliyev xalqın təkidli tələbi ilə 1993-cü ildə yenidən Azərbaycan Respublikasının Prezidenti seçildikdən sonra da bu sahənin inkişafına öz diqqət və qayğısını əsirgəmədi”.Səttar Möhbalıyev qeyd edib ki, Ulu Öndərin idmanın inkişafı ilə bağlı əsasını qoyduğu strategiya bu gün uğurla davam etdirilir: “Kütləvi bədən tərbiyəsinin inkişafı, gənc nəslin sağlam böyüməsini təmin etmək məqsədi ilə ölkə Prezidenti cənab İlham Əliyev tərəfindən bir çox fərman və sərəncamlar, dövlət proqramları imzalanıb. Bakıda və bütövlükdə Azərbaycanda idman infrastrukturun yaradılması istiqamətində böyük işlər görülüb. Azərbaycanda idmanın kütləviliyi təmin edilir və olimpiya hərəkatı yüksək səviyyədədir. Hesab edirəm ki, idmanda əldə olunan uğurlarda kütləvi bədən tərbiyəsinin inkişafının da öz rolu var. Biz də həmkarlar təşkilatı hər zaman olaraq bu sahəyə diqqət ayırırıq. Vaxtaşırı olaraq tələbələr, müəllimlər arasında müxtəlif kütləvi idman yarışları təşkil olunur, universiadalar, spartakiadalar keçirilir. Biz idmanın kütləviliyinin təmin edilməsi və təhsil işçilərinin asudə vaxtının səmərəli təşkilinə istiqamətlənmiş fəaliyyətimizi bundan sonra da davam etdirmək əzmindəyik”.Sonra mükafatlandırma mərasiminə başlanılıb. Ali məktəb işçiləri arasında keçirilən Spartakiadanın 118, Bakı şəhərinin ümumtəhsil məktəblərinin işçiləri arasında keçirilən yarışların 130 qalibinə hədiyyə kuponu və diplomlar verilib.Eyni zamanda ali məktəb tələbələrinin XV Universiadasının və orta ixtisas təhsili müəssisələrinin yarışlarının ümumilikdə 300-ə yaxın qalibinə kubok, diplom və idman forması təqdim olunub.1-1.jpg 137.44 KB6 (1).jpg 152.75 KB5.jpg 222.23 KB4-1 (1).jpg 174.7 KB3-1.jpg 438.72 KB2-1.jpg 137.67 KB

15.01.2024

 ATİAHİ Ağcabədi rayon komitəsi tərəfindən şagirdlərin iştirakı ilə “Narkomaniyaya yox deyək” mövzusunda maarifləndirmə tədbiri keçirilib.Psixoloqlar və müəllimlər bütün dünyanın ən ağrılı probleminə çevrilən və “ağ ölüm” adlandırılan narkotik vasitələrin cəmiyyətimiz üçün yaratdığı fəsadlar barədə məlumat verib, bu bəlanın gənclərin həyatında yaratdığı problemlər, zərərli maddələrin geniş yayılmasının qarşısının alınması istiqamətində görülən işlərdən danışıblar.Bildirilib ki, bu gün narkomaniya təkcə bəşəriyyətin sağlamlığına, mənəvi dünyasına deyil, qlobal dünya iqtisadiyyatına da narkoticarət yolu ilə ağır və sağalmaz yaralar vurmaqdadır. Vaxtilə işğala məruz qalmış Qarabağ və ətraf ərazilərdə də xeyli sayda narkotik laboratoriyalar fəaliyyət göstərmişdi. Düşmən silahlı münaqişə nəticəsində nəzarətsiz qalmış Azərbaycan ərazilərindən narkotiklərin becərilməsi, satılması və tranziti, eyni zamanda transmilli cinayətlərin həyata keçirilməsi üçün nəzarətsiz zona kimi istifadə etmiş, hər il dünya bazarlarına on tonlarla narkotik maddələr çıxarılmışdı.Vurğulanıb ki, ölkəmiz narkomanlıq və narkotik vasitələrin qanunsuz dövriyyəsinə qarşı mübarizə sahəsində məqsədyönlü, ardıcıl və təxirəsalınmaz addımlar atır. Narkomaniyanın qarşısının alınması ilə bağlı təbliğat və maarifləndirmə işlərinin gücləndirilməsi və narkomaniyanın cəmiyyətə mənfi təsiri, doğurduğu fəsadlar və ona qarşı aparılan mübarizə barədə silsilə tədbirlər - gənclərə maarifləndirici buklet və broşurlar kimi zəruri təbliğat materiallarının paylanılması, antireklam lövhələrin asılması, məktəblərdə bu mövzuda şagirdlərin əl işlərindən ibarət rəsm sərgilərinin təşkil olunması, bu sahə üzrə ixtisaslı, səlahiyyətli şəxsləri cəlb etməklə gəncləri maraqlandıran suallar ətrafında geniş diskussiyaların aparılması kimi fəaliyyətlər həyata keçirilir. Qeyd olunub ki, gəlin birlikdə planetimizin ən qlobal problemlərindən birinə çevrilən, bu bəlaya – narkomaniyaya “YOX” deyək. Sonda məktəblilərin sualları cavablandırılıb, fikirləri dinlənilib.e91643be-b018-41d6-a3c0-78b610aab7e6.jpg 130.56 KB7f3b89f3-be92-4a8f-b31f-2708dd25501d.jpg 225.7 KB

07.12.2023

Noyabrın 16-da 2022-2023-cü tədris ilinin yay imtahan sessiyasının nəticələrinə görə əlaçı və həmkarlar ittifaqı fəalı olan ali məktəb tələbələrinə Azərbaycan Təhsil İşçiləri Azad Həmkarlar İttifaqı Respublika Komitəsinin (ATİAHİ RK) adlı təqaüdünün təqdim edilməsi mərasimi keçirilib. Azərbaycan Həmkarlar İttifaqları Konfederasiyasında (AHİK) təşkil olunan tədbirdə ATİAHİ Respublika Komitəsinin sədri, Milli Məclisin deputatı Səttar Möhbalıyev çıxış edib. Sədr Azərbaycanda həyata keçirilən dövlət gənclər siyasətindən danışıb, həmkarlar ittifaqı təşkilatları tərəfindən dövlət gənclər siyasətinə verilən dəstəkdən bəhs edib. Qeyd edib ki, ATİAHİ RK tərəfindən bu istiqamətdə müxtəlif intellektual oyunlar, idman yarışları təşkil olunur, gənclərin asudə vaxtlarının səmərəli təşkili ilə bağlı işlər görülür. Həmçinin aztəminatlı ailələrdən olan tələbələrin sosial təminatının gücləndirilməsi ilə bağlı da addımlar atılır. Belə ki, hər il Respublika Komitəsi tərəfindən aztəminatlı ailələrdən olan 220-dən artıq tələbə pulsuz yeməklə təmin olunur.Sonra qış imtahan sessiyasının nəticələrinə görə əlaçı və həmkarlar ittifaqı fəalı olan ali məktəb tələbələrinə (65 nəfər) ATİAHİ RK-nın adlı təqaüdü təqdim edilib.Məlumat üçün qeyd edək ki, tələbələrdə elmə, təhsilə marağın artırılması məqsədilə 1995-ci ildə ATİAHİ RK-nın adlı təqaüdü təsis edilib. O vaxtdan bu günə qədər ali təhsil müəssisələrində qış və yay sessiyasının nəticələrinə görə uğur əldə etmiş 2849 nəfər tələbə bu təqaüddən yararlanıb.1-7.jpg 99.43 KB2-5 (1).jpg 151.12 KB7-2.jpg 157.91 KB6-4.jpg 159.07 KB5-5 (1).jpg 150.4 KB4-7.jpg 143.44 KB3-5 (1).jpg 153.55 KB

17.11.2023

Azərbaycan Təhsil İşçiləri Azad Həmkarlar İttifaqı Respublika Komitəsi 2024-cü ildə keçirilməsi nəzərdə tutulan hesabat-seçki yığıncaqlarına hazırlıq məqsədi ilə zona seminarlarının keçirilməsinə başlayıb. İlk belə tədbir Quba rayonunda təşkil edilib. ATİAHİ Sumqayıt şəhər, Quba, Qusar, Xaçmaz, Şabran, Siyəzən, Xızı və Qubadlı rayon komitələrinin sədrlərinin iştirak etdiyi seminarda ATİAHİ Respublika Komitəsinin Təşkilat şöbəsinin müdiri Emil Rüstəmov çıxış edib. Şöbə müdiri qeyd edib ki, Azərbaycan Həmkarlar İttifaqları Konfederasiyasının İcraiyyə Komitəsinin müvafiq qərarı ilə AHİK-in üzv təşkilatların bütün vəsilələrində 2024-cü il müddətində hesabat-seçki yığıncaqlarının keçirilməsi nəzərdə tutulmuşdur. E.Rüstəmov bildirib ki, is­tər əha­tə dai­rə­si­nə, is­tər­sə­ də bu sa­hə­də ça­lı­şan insanların  sa­yı­na gö­rə təhsil Azər­bay­can­da ən bö­yük so­si­al ins­ti­tut­lar­dan bi­ri­ni təş­kil edir. ATİAHİ 5785 həmkarlar ittifaqı təşkilatını və 403484 həmkarlar ittifaqı üzvünü özündə birləşdirir: “2024-cü ildə keçiriləcək hesabat-seçkilər ATİAHİ-nin fəaliyyətində mühüm hadisələrdən biridir. Hesabat-seçkilər zamanlı təşkilat sədrlərinin bu illər ərzində gördüyü işlərlə bağlı hesabatı əhatəli olmalı, əldə olunmuş nailiyyətlər, çatışmazlıqlar qeyd olunmalıdır. Eyni zamanda həmkarlar ittifaqlarında həmrəyliyi təmin etmək, işçilərin sosial-iqtisadi mənafeyinin kollektiv müdafiəçisi olan həmkarlar ittifaqlarının maliyyə cəhətdən möhkəmləndirmək, onun rolunu bir daha artırmaq üçün qarşıdan gələn hesabat-seçki kampaniyasının imkanlarından maksimum istifadə edilməlidir. Hesabat-seçki yığıncaqlarının keçirilməsi zamanı Azərbaycan Respublikasının qanunvericiliyinin, ittifaqın nizamnaməsinin və digər normativ sənədlərin tələblərinə ciddi əməl edilməsinə nəzarət təmin olunmalıdır”. E.Rüstəmov qeyd edib ki, həmkarlar ittifaqı təşkilatlarının kadrlarla möhkəmləndirilməsi, ehtiyat kadrların hazırlanması və irəli çəkilməsi üzrə tədbirlər görülməlidir. Müəssisədə kollektiv arasında nüfuzu olan layiqli şəxslərin seçilməsi üçün şərait yaradılmalıdır: “Heç kimə sirr deyil ki, həmkarlar təşkilatlarının gücü ilk təşkilatlardadır. Bu baxımdan bizim qarşımızda duran mühüm vəzifələrdən biri ilk təşkilatların gücləndirilməsi və nüfuzunun artırılmasıdır. İlk təşkilatların güclü olması üçün isə başlıca şərt təşkilata layiqli və şəxsin rəhbərlik etməsidir. İttifaq üzvləri öz sərbəst seçiminizi etməli və təşkilatınızı daha da qabağa aparmağı bacaracaq bir şəxsi həmkarlar təşkilatına sədr seçilməsinə çalışmalıdır. Həmçinin təşkilatların seçkili orqanlarının formalaşdırılması zamanı gender bərabərliyi təmin edilməli, ölkəmizdə həyata keçirilən gəncləşmə siyasətinin həmkarlar ittifaqı təşkilatlarında da uğurla davam etdirilməsinə şərait yaradılmalıdır. İclaslar zamanı səsləndirilmiş tənqidi qeydlər ümumiləşdirilərək yuxarı həmkarlar ittifaqı təşkilatına təqdim edilməlidir. İnanırıq ki, üzv təşkilatlarda keçiriləcək hesabat-seçki yığıncaqları nöqsansız şəkildə təşkil ediləcək, bu seçkilər təşkilatımızın, ümumilikdə həmkarlar ittifaqı hərəkatının həyatında yeni inkişaf mərhələsinin başlanğıcı olacaqdır”.Sonra seminar diskussiya şəklində davam etdirilmiş, rayon komitəsi sədrləri qarşıda duran vəzifələrlə bağlı fikir mübadiləsi aparmış, suallar cavablandırılmışdır.  

25.10.2023

ATİAHİ Ağcabədi rayon komitəsinin təşkilatçılığı ilə 5 Oktyabr - Beynəlxalq Müəllimlər Günü münasibətilə tədbir keçirilib. Tədbirə məktəb müəllimləri dəvət olunub.Çıxış edənlər müəllimlərin ölkə təhsilinin inkişafında rolundan, dünya təhsil sisteminə inteqrasiyasında, gənclərin göstəricilərinin yüksəlməsində xidmətlərindən, həmçinin onlara dövlət qayğısından danışıblar. Bildirilib ki, cəmiyyətimizdə müəllimlərə göstərilən ali münasibət bu peşəyə yiyələnənlərin sayını durmadan artırır. Eləcə də son illər təhsil sahəsində həyata keçirilən uğurlu islahatlar müəllimlərin sosial durumunu daha da yaxşılaşdırıb. Onlara olan münasibətdən və göstərlilən diqqətdən razılıqlarını ifadə edən müəllimlər bundan sonra da gənclərin təlim-tərbiyəsi naminə səylə çalışacaqlarını qeyd ediblər.Sonda tədbirdə iştirak edən müəllimlərə hədiyyələr verilib.3ed909ad-2238-4ad7-943a-6aaf2df5d187.jpg 245.39 KB0c2d0268-5a13-4b15-8d6f-d443a13d6f93.jpg 266.92 KB

11.10.2023

ATİAHİ Ağcabədi rayon komitəsi tərəfindən 27 sentyabr - Anım Günü ilə əlaqədar bir sıra tədbirlər keçirilib. Belə ki, Qarabağ müharibəsinin iştirakçıları, şəhid ailələrinin üzvləri ilə görüşlər təşkil edilib, rayonun Şəhidlər xiyabanı ziyarət olunub. Həmçinin komitənin təşkilatçılığı ilə şəhər 1 nömrəli məktəbdə müharibə veteranları və şəhid ailələrinin şagirdlərlə görüşü baş tutub. Görüşdə Vətən müharibəsindən, əsgər və zabitlərimizin qəhrəmanlığından və onların döyüş yolundan danışılıb, şəhidlərimizin əziz xatirəsi yad edilib. Eləcə də tədbirdə şagirdlər vətənpərvərlik ruhunda şeirlər səsləndiriblər.ec9bbc46-38c2-4538-bce4-31ca0268d056.jpg 290.8 KB559330c8-2cba-4cb7-9901-62200e49ff56.jpg 181.08 KB76beb357-0749-49d3-9114-2cc87263fc53.jpg 154.73 KB49abe932-1e96-4de4-9a09-7f985d04d011.jpg 393.69 KB8b2e9648-d9a3-40d2-9d1b-820b99af16b1.jpg 357.98 KB9fac49d0-8e7b-4519-abb9-44b86661cda4.jpg 334.3 KB

02.10.2023